練習錦囊

 

不論你有無全馬有無比賽
以下既訓練你都應該去做
等身體有全面既提升同時及另身體有基本既運動能力。在未來日子提升訓練量時更易應付到同時減低受傷機會。

所以一個較全面既訓練課表。

​

間歇跑(Interval) ，Tempo ，長距離課(LSD)及肌力訓練

​

⭐間歇跑(Interval)
目的提升最快速度及心耐肌力。
簡單黎講就係要你身體適應更快既速度。通常是 5 – 20 次 400 – 1000 米的間歇跑。

以重複的高速度跑不斷刺激各個能量系統，提升最大攝氧 (VO2max) 和增加快肌參與
 

​

⭐節奏跑(Tempo) 
目的提升無氧臨界
咩係無氧臨界?我地俗稱'死點'

簡單講就係可能你跑5分pace可以維持到20分鐘或更長時間
但係一跑快過5分pace就可能會好唔穩定或好快爆，所以我地就用唔同方法會去練習務求令身體去適應某一個距離的最快速度

點樣練?
用一個穩定唔係Jog既速度去做一定既距離，係下一次練Tempo時試下又快小小，當找到某一個速度可能會唔穩定時就集中接受果個Pace維持練習

​

 

⭐長距離訓練 亦即係長課(LSD)

目的提升身體最大體力，肌耐力等
一個正常人有咁上下運動既人 要完成10K/半馬 理論上都應該會完成到(完成!無講話跑得快)
但係去到某一個距離(例如全馬)唔係你想做就做到。因為肌力會頂唔到會抽筋，另外人儲存係身體既能量係有限
而訓練係其中一個提升既方法。另外長時間咁跑身體都可能有好多唔知道既情況出現都要透過長課去發現去訓練去解決。

​

⭐肌力訓練(Strength training)

係以前既年代(即80,90年代或之前講緊肌力訓練既目的主要強化肌肉令你肌肉更大力更強等等

而去到近代強化肌力既目的除以上既原因外，亦會關係到肌力既平衡發展。如果肌力發展唔平衡既話就會好易受傷
例如好常見既大腿後肌拉傷。另外新手黎講 剛剛接觸跑步大多數肌力都十分弱或發展唔理想，所以除跑步外 新手們建議練下肌力其實可能好過你跑多幾課

​